ÇFARË ËSHTË ARRESTI KARDIAK I PAPRITUR DHE ÇKA DUHET TË BËJMË NËSE AI SHFAQET?
Zemra ka një sistem të brendshëm elektrik që kontrollon ritmin e rrahjeve të zemrës. Problemet mund të shkaktojnë ritëm abnormal të zemrës, të quajtur aritmi. Ka shumë lloje të aritmisë. Gjatë një aritmie, zemra mund të rrahë shumë shpejt, shumë ngadalë, ose mund të ndalojë rrahjen. Arresti i papritur kardiak (SCA) ndodh kur në zemër shfaqet një aritmi që shkakton që ajo të ndalojë rrahjen. Kjo është ndryshe nga sulmi në zemër, ku zemra zakonisht vazhdon të rrahë, por qarkullimi i gjakut në zemër bllokohet.
Ka shumë shkaqe të mundshme të arrestit të papritur kardiak. Ato përfshijnë sëmundje koronare të zemrës, stresin fizik, dhe disa çrregullime të trashëguara. Ndonjëherë nuk ka ndonjë shkak të njohur për SCA.
Pa kujdes mjekësor, personi do të vdesë brenda pak minutash. Njerëzit kanë më pak gjasa të vdesin nëse kanë defibrilim të hershëm. Defibrilacioni dërgon një goditje elektrike për të rikthyer ritmin normal të zemrës. Ju duhet të bëni reanimimin kardiopulmonar (CPR) tek një person që ka arrest kardiak të papritur derisa defibrilimi të mund të realizohet.
Nëse keni pasur një arrest kardiak, defibrilatori kardiak i implantuar (ICD) zvogëlon mundësinë e vdekjes nga një arrest i dytë.
