Koronaviruset (CoV) janë një familje e madhe e viruseve që shkaktojnë sëmundje duke filluar nga ftohja e zakonshme deri te sëmundjet më të rënda siç janë Sindroma e Frymëmarrjes në Lindjen e Mesme (MERS-CoV) dhe Sindromi i Rëndë Akut i Frymarrjes (SARS-CoV). Koronavirus i Ri (nCoV) është një lloj i ri që nuk është identifikuar më parë tek njerëzit.
Koronaviruset janë zoonotikë, që do të thotë se ato transmetohen midis kafshëve dhe njerëzve. Hetimet e hollësishme zbuluan se SARS-CoV u transmetua nga macet civet te njerëzit dhe MERS-CoV nga devet dromedare te njerëzit. Disa koronaviruse të njohura po qarkullojnë te kafshët që nuk kanë infektuar ende njerëz.
Shenjat e zakonshme të infeksionit përfshijnë simptoma të frymëmarrjes, ethe, kollë, gulçim dhe vështirësi në frymëmarrje. Në raste më të rënda, infeksioni mund të shkaktojë pneumoni, sindromë të rëndë akut të frymëmarrjes, dështim të veshkave dhe madje edhe vdekje.
Rekomandimet standarde për të parandaluar përhapjen e infeksionit përfshijnë larjen e rregullt të duarve, mbulimin e gojës dhe hundës kur kolliteni dhe teshtitni, gatuani plotësisht mishin dhe vezët. Shmangni kontaktin e ngushtë me këdo që tregon simptoma të sëmundjes së frymëmarrjes si kollitja dhe teshtitja.
